當你俾返個吉他我，我以為你連我都放低埋，唉，雖然冷靜左一段時間，但我仲未知自己想要咩……………

傷過就唔好再見，大家也不好過。雖然我唔係付出左好多，不過都唔好受。

好耐無見你，於人前，我並不能坦承相向，我的改變。我目標改變了，心態改變了，路也不同了。可能同你當初同我定立個樣野唔同左，信心亦大降。我都好想入間好既大學，可惜我高考不佳。我都好想去外國讀書，可惜我不能太自私。我都好想爆4，可惜我要返工搵錢交學費，未能全力讀書。我都好想達到你既預期，做到你欣賞既事。可惜到目前為止，連最後一件你欣賞既事，我都漸漸失去左。我服了，我俾現實征服了。我唔想舖排太多，我要安穩，舒適同及時行樂。坐底左咁耐，我都諗唔到我可以講啲咩，只怪我能力不及。為自己定位，認清自己既份量，係你教我架，而目前為止，我既斤兩係得咁多。

見到一把好熟既長髮，忘記了，你已經剪左。

已前呀媽教我唔可以半途而廢，所以依家我係公司都做得幾好。依家呀媽教我唔可以三心兩意，我就簡左鼓。其實學韓文真係幾開心，又可以同朋友仔定期見面，食下飯。不過人就係咁，我付出左鼓度太多，就唔願意再試新野，可能學落去，韓文會好過鼓，只能咁樣簡啦。學完一樣先一樣啦：)同學仔都唔捨得我，本身都唔想講，但始終都要講。見面少左，唔好咁掛住我啦。

學完韓文去食飯，點解坐係我隔離都仲要kakao talk 我，會唔會怪左啲，你想我俾咩反應你……==

我不會以別人同樣的手段搶別人的東西。原來我自制能力真係好強。

其實你返唔返到屋企都唔關我事，你點樣返屋企我都無興趣知，咁大個人自己搞掂啦。唔好以為我真係圍住你轉先得架，不如你照下鏡，你眼中得你自己架炸…

我諗到我要工作努力的原因，我要考車牌！至少可以將人安全送到返屋企

唔想第時一至五要返工，工作開心都無所謂既，重點係唔想生活係高壓同有負擔既情況下。不過我諗都好難，我諗我既願望同孝敏應該一樣，自由工作者，大家既前提應該係屋企本身有錢，哈哈。好攰，搵人養我唔該。